Moi j'hésitais entre amsawad et.....Marxislam !
C'est vrai que je me suis reconnu dans son message.
Une petite dédicace f khater nass dial le polisario
قمت من النوم مخطوف
شداني الرعادة او الخوف
حلمت حلم ماشي مألوف
حلم كلو جناوة او سيوف
كانت لفرحة عامة لقبيلة
حفلة كلها موسيقى او تبوريدة
منشطاها الشيخة لحاجة زوبيدة
ديك الشيخة الزوينة لغليظة
شيخ لقبيلة كيغني او يشطح
او مقدم لحومة بالضحك مفرطح
لوالي جالس مفييك مفطح
واكل شعب، دافع جبهة او مسنطح
شي داخل خارج، شي طالع هابط
او شي دايخ كويلة، من الشرب فارط
شي نسى همومو او بالفرحة باسط
او شي على تبدير موال لقبيلة ساخط
على غنا الطبالة او تبوريدة لخيالة
الشباب ثارو او نوضوها قربالة
شعلو لعافية فالخيمة او النوالة
دوروها قرطاس، خلقو لبلبالة
ثارو ضد لمنكر، ثارو ضد لفساد
ثارو ضد السيبة اللي عمت لبلاد
قالو لا للظلم او للتفلية على لعباد
او اللي زرع الشوك، الليلة يذوق لحصاد
29/12/2007