Vous utilisez un navigateur obsolète. Il se peut que ce site ou d'autres sites Web ne s'affichent pas correctement. Vous devez le mettre à jour ou utiliser un navigateur alternatif.
مشات الأيام الجميلة ... أيام العصا والتحميلة ... ♫
ايام الى مادرتيش التمرين تقلب على شي حيلة ... ♫
جدي جا من الحج ولا الضو تقطع علينا هاد الليلة ... ♫
ايام كانت عزيزة علينا فيها السكويلة ... ♫
كنا نغيبو على القسم مرات قليلة ... ♫
إلا كنتي مريض ولا صحتك عليلة ... ♫
كان نسيان الستيلو الازرق هو أكبر مشكيلة ... ♫
أيام كنتي تفيق مع الصباح على انغام الواليدة "نوض المسخوط راه مشا عليك الحال ونتا مجبد كيف الرتيلة"... ♫
أيام اتاي وزيت الزيتون ماكين لا بيتزا لا بسطيلة ...♫
وإلا كنتي داخل مع 13:00 والغداء مازال ماطابش دير ليك خبيز حامي فيه التشرميلة ...♫
هاز على ظهرك محفظة ثقيلة ... تقول نتا فيها فيل ولا فيلة ...♫
أيام الا كنتي باغي تهضر مع صاحبك فالقسم تمشيو حدا السلة وديرو راسكم تنجرو بالمنجرة ونتوما راكم تهضرو ♫
أيام كنا إلا بغينا نديرو التمارين نتجمعو تحت شي شجرة فالظليلة ...♫
أيام الكابتن ماجد و غلاندايزر كنتي الا بغيت تفرج فيه خاصك ترجع لداركم تجري بحال النحيلة ...♫
أيام بيمو ديال البهلوان ورايبي جميلة ...♫
مشاا الزمن الجميل وكثر الحقد وكثرات القتيلة ...♫
والا قلتي للدري زير راسك يقوليك السنة الدراسية طويلة ...♫
ولا الدري يجي يقرا غي باش يشوف صاحبتو جليلة ...♫
الدراري ولاو بحال البنات مابقينا عرفين نبيل من نبيلة ...♫